SALMOS 48:4-11

⁴Bdobgak benne' wnná bia' ka', na' bḻá'gake' nich tíḻ-ḻengake' benne' yežen' ka',

⁵san kate' bḻé'egeklen', na' bebángekle'. Bžébegake', na' bẕónnjgake'.

⁶Wžé' zédḻe'egekle', na' wẕáka'ḻe'egake' ka žak che to no'le za' gaḻj bi' že'n chie'.

⁷Gókgake' ka barkw ka' žx̱íte'gaken kate' žakḻe'e be' ḻo nisdo'.

⁸Benlžo che da' ben Dios, na' na'a ba bḻe'elžon ḻo yež che X̱anžon', Bennen' nape' dot yeḻa' wak. Ḻe' wzóa chawe'e yež nga to chi'ize.

⁹Ga nak ḻo yodo' chio' Le', Dios, žezá' ḻáže'to' ka nak yeḻa' ži'i ḻaže' ẕen chio'.

¹⁰Gáte'teze ẕka'n ẕengak benách ka' Le', na' yeḻa' ẕen chio' ẕžinen do ẕente yežlyó. Ka ẕnna bi'o naken chawe'.

¹¹Yebéḻe'egekle benne' ka' nníta'gake' yež Sión. Yebégekle benne' ka' nníta'gake' yež ka' che Judá dan' ẕchi'a ḻáže'kzo' ḻégake'.