SALMOS 48:4-11

⁴Tanahuatiani ten campa hueli itztoque ipan ni taltipacti mosentilijque para san sejco quitehuise nopa altepet.

⁵Pero quema quiitaj ajquiya quimocuitahuía nopa altepet huan para nelía hueyi ichicahualis, momajmatíaj. Huan nimantzi cholojtehuaj huan mocuepaj campa hualajtoque.

⁶Quena, quinitzquía se majmajti huan nelía taijyohuíaj, quej se sihuat quema conepiya,

⁷o quej se ajacat chicahuac cati quinsosolohua nopa huejhueyi barcos cati hualahuij tali Tarsis.

⁸Ipa tijcactoque quenicatza TOTECO quimocuitahuía ialtepe, huan ama tiquitztoque. Quena, TOTECO yaya cati quinyacana nochi nopa miyac millones iilhuicac ejcahua para tatehuitij. Quitalijtoc para ialtepe Jerusalén ma huejcahuas para nochipa.

⁹Toteco Dios, quema tiitztoque ipan motiopa, tiquelnamiquij huan timoyolilhuíaj quenicatza techicnelía.

¹⁰Toteco, campa hueli masehualme mitzpaquilismacaj, pampa quicactoque quenicatza mohueyitilis. Quicactoque hasta campa ontami taltipacti. Huan quimatij para ica mohueyi chicahualis titetajtolsencahua xitahuac.

¹¹Huajca ma paquica nopa masehualme ipan tepet Sion. Ma huitonica ica paquilisti nochi cati ehuani ipan altepeme ten tali Judá pampa cuali huan xitahuac titetajtolsencahua.