Zebur 48:4-11

⁴Mana, padishahlar yighildi, Ular sheherni bésip ötüp, jem boldi.

⁵Sheherni körüpla ular alaqzade boldi; Dekke-dükkige chüshüp beder qéchishti.

⁶U yerde ularni titrek basti, Tolghaq yégen ayaldek ular azablandi;

⁷Sen Tarshishtiki kémilerni sherq shamili bilen weyran qiliwetting.

⁸Quliqimiz anglighanni, Samawi qoshunlarning Serdari bolghan Perwerdigarning shehiride, Xudayimizning shehiride, Biz hazir öz közimiz bilen shundaq körduq; Xuda menggüge uni mustehkem qilidu. Sélah.

⁹Biz séning muqeddes ibadetxanang ichide turup, i Xuda, Özgermes muhebbitingni séghinduq.

¹⁰Naminggha layiqtur, Jahanning chet-chetlirigiche yetküzülgen medhiyiliring, i Xuda; Séning ong qolung heqqaniyliq bilen tolghan.

¹¹Séning adil hökümliringdin, Zion téghi shadlan'ghay! Yehuda qizliri xushal bolghay!