SALMOS 45:5-11

⁵Zej nḻáḻe'egak yag ntóche'do' chio' ka', da' ka' gótgaken benne' yež ka' ḻawo' le', na' cházgaken ḻáẕdo'gak benne' ka' ẕžá'agake' le'.

⁶Gan ži'o, Dios, žen' to chi'ize, na' sóatezen. Chawe' nak ka ẕnna bi'o.

⁷Nži'ilo' da' nak chawe', na' bi ẕḻe'elo' chawe' da' bi nak chawe'. Che ḻen Dios chio' bzoe' le' latje chio', gan žebéḻe'eželo' ka lježo' ka'.

⁸Ẕḻa' ẕix̱ ẕa lano' ḻen da' ka' zej naken mirra, na' áloe, na' kasia, da' ka' ẕḻá'gaken ẕix̱. Ḻo ližo' da' záka'ḻe'en ẕzóagake' le' ḻo yeḻa' ba nez.

⁹Bi' no'le chegak benne' wnná bia' ka' zej zoabe' ladjw ẕo'lo' ka', no'le ka' zej nakže' blo. Kwito' ḻi ža že' bi' no'len' gakbe' ẕo'lo', bi' no'len' si'be' oro da' zan' zaka' yež Ofir.

¹⁰Bze nag, nó'ledo', na' bwia nga, na' benle da' nnia'. Žaḻa' gaḻ ḻažo'o lažo', na' liž x̱o',

¹¹na' benne' wnná bian' dan ḻaže'e yeḻa' x̱tan chio'. Gok gax̱jw ḻaže' ḻawe' ḻe' dan' nake' ḻe' x̱ano',