SALMOS 40:14-16

¹⁴Ma mopinahualtica huan ma mocuapoloca cati quinequij nechtzontamiltise. Xiquinquixti cati nechcualancaitaj huan tahuel xiquinpinahualti.

¹⁵Nochi cati noca paquij ma huetzica. Xiquincuepa san ica inimax.

¹⁶Pero ma paquica miyac nochi cati mitztemohuaj. Quena, paquij cati mitzicnelíaj pampa tiquinmaquixtijtoc. Nochipa quiijtohuaj: “Nelía hueyi TOTECO.”