SALMOS 25:14-22

¹⁴TOTECO tiquinpohuilía cati eltoc ipan moyolo inijuanti cati mitztepanitaj huan quiimacasij mitzixpanose. Quena, tiquinnextilía nochi cati inihuaya timocajtoc masehualme.

¹⁵Nochipa nimitztemohua TOTECO, huan nijchiya para techpalehuiqui, pampa san ta tihuelis techmanahuis ten ni taquetzti.

¹⁶Techtachili, TOTECO, huan xijpiya hueyi moyolo ica na, pampa niitztoc noselti huan nimoyoltequipachohua.

¹⁷Nimoyoltequipachohua ica tahuel miyac tamanti cati ohui. Techmanahui ten nopa tequipacholi.

¹⁸Xijtachili nopa tequipacholi cati nechcuatetzopa huan nechtaijyohuiltía. Huan techtapojpolhui nochi notajtacolhua.

¹⁹Xiquita quesqui nocualancaitacahua niquinpiya huan quenicatza tahuel nechcualancaitaj.

²⁰Techmocuitahui huan techmaquixti para amo nechcocose. Amo xijcahua ma nechpinahualtica, pampa ipan ta nimotemachijtoc.

²¹Techmanahui pampa nitemachti huan nijchihua cati xitahuac, huan nimotemachijtoc ipan ta.

²²NoTeco Dios, techmaquixti tiisraelitame ten nochi totequipachol, pampa timomasehualhua.