SALMOS 25:14-22

¹⁴X̱anžo Dios nake' toze ḻen benne' ka' ẕžébegake' Ḻe', na' gone' ga gónbia'gake' x̱tiže'e dan' bénḻene' žo'o.

¹⁵Wx̱én ḻáže'teza' X̱anžo Dios dan' beslé' neda' ḻo na'gak benne' ka' žénegekle' wžía yí'gake' neda'.

¹⁶Bwia neda', na' beyache' ḻaže'l neda' dan' zoa' toza', na' ẕzáka'ḻi'a.

¹⁷Nyanḻe'e da' zede da' zej yo'on yichj ḻáẕda'wa'. Beslá neda' ḻo da' zede da' ẕzaka'a.

¹⁸Bwia ka ẕzáka'ḻi'a, na' ka žónḻi'a žin, na' benít ḻaw che yógo'te doḻa' da' nbaga'a.

¹⁹Bwia ka nyanḻe'e benne' ka' ẕžá'agake' neda', na' kan ẕbia ḻáže'gake' neda'.

²⁰Bwia be' da' nakkza', na' beslá neda'. Bi go'o latje yedoe'ela' dan' žx̱en ḻaža'a Le'.

²¹Da' chawe', na' yeḻa' ḻi ḻaže', žon chóchgaken neda' dan' žx̱en ḻaža'a Le'.

²²X̱ana' Dios, beslá benne' Israel ka' ḻo yógo'te da' ẕzáka'ḻe'egake'.