SALMOS 21:4-12

⁴Wnnable' Le' gonno' chie' yeḻa' nban, na' bennon' chie' nich soakze' yiz zan.

⁵Ẕenḻe'e nak yeḻa' ẕen chie' dan' besló' ḻe'. Benno' chie' yeḻa' ba la'ne, na' yeḻa' ẕen.

⁶Dan' ben chawo'o ḻe' to chi'ize, žono' ga žebéḻe'ele' ḻawo' Le'.

⁷Dan' bennen' ẕnna bi'e žx̱en ḻaže'e X̱anžon', yeyache' ḻaže'l Dios ẕente ḻe', na' bi kwe' zedle'.

⁸Wzetjo' yógo'te benne' ka' bi ẕḻé'egekle' Le' chawe'. Ḻen yeḻa' wak chio' wzex̱jo' benne' ka' ẕží'igake' chio'.

⁹Gak chegak benne' ka' ka wnnito'o ḻégake' ḻo yi' katen' yido' nich wchi'a ḻažo'o ḻégake'. X̱anžon' wžía yi'e benne' ka' ḻo yeḻa' ẕža'a chie', na' yi' na' wzeyen ḻégake'.

¹⁰Yógo'te da' béngake' ḻo yežlyó nga wchinnjo', na' wkwaso' ẕa'sógake' ka' ladjw benách ka',

¹¹dan' wyáz ḻáže'gake' góngake' da' bi naken chawe' ḻawo' Le'. Sa' ḻáže'gake' da' góngake' san bi be sáke'gekle' dan' wlago' ḻégake'.

¹²Bkwezo' yag ntóche'do' chio' ka' nich goto' ḻégake'.