Psalms 21:4-12

⁴Ke ning e yafos ngom, ma kam pi’ ngak, ba yafos nib n’uw ma dabi mus bi’id.

⁵Kari gilbuguwan ni bochan e ayuw rom; kam gilnag buguwan ma kam gelnag gelngin.

⁶Pi fal’eg wa’ath rom e bay rok ni dariy n’umngin nap’an, mab sug ko felfelan’ ni bochan ni ga bay rok.

⁷Fare pilung e ba pagan’ ngak SOMOL ni Gubin ma Rayag Rok; ma bochan e runguy rok SOMOL ngak ndabi thil bi’id, ma bayi par ni gubin ngiyal’ ni dabi buch ban’en rok.

⁸Bayi kol fare pilung gubin e pi to’ogor rok; bayi kol gubin e pi’in yad be fanenikay.

⁹Bayi thangrad ni bod ba nifiy ni be daramram, u nap’an nra yib i m’ug. Bayi ful’rad SOMOL u fithik’ e damumuw rok, ni bod nra yik’gad ko nifiy ni be daramram.

¹⁰Dariy ta’reb e pi’in owcharad nra fos, fare pilung e ra li’rad ni yad gubin.

¹¹Yad be puruy’nag e tin ba kireb nib togopluw ngak, machane dabi m’ag ngabang.

¹²Bayi pag gan e gat’ing rok ngorad ngar chelgad ngar milgad.