Y Salmo Sija 21:4-12

⁴Linâlâ na guinagaoña unnae: y anaco na jaane, para siempre taejinecog.

⁵Dangculo y minalagña gui satbasionmo: onra yan minagas unpolo gui jiloña.

⁶Sa jago bumendise para taejinecog: unnamagof güe yan minagof gui menamo.

⁷Sa y ray jaangongoco si Jeova: ya pot y minaase y Gueftaquilo ti calamten.

⁸Y canaemo usoda todo y enimigumo: y agapa na canaemo usoda todo y chumatlie jao.

⁹Jago pumolo sija taegüije y jetnon guafe gui tiempon binibumo: si Jeova yumulang sija anae lalalo, ya y guafe ufanlinachae.

¹⁰Ya y tinegchaña unyulang gui jilo y tano, ya y semiyaña gui entalo y famaguon y taotao.

¹¹Sa jagasja majasuye y taelaye contra jago: jagasja majaso y dinague ni y ti siña mafatinas.

¹²Sa jago fumatinas na jabira y tataloñija ya unnalisto y jalon y atcosmo contra y matañija.