SALMOS 146:4-10

⁴Žežój be' zej yoe'e, na' yeyákgake' bix̱te yo. Ḻo ža na'kze nitle da' gok ḻáže'gake' góngake'.

⁵Ba nez ẕen naken che bennen', žakḻen Dios che Jakob ḻe', bennen' žx̱en ḻaže'e X̱anžo Dios.

⁶Dios na'kze bene' ya'abá, na' yežlyó, na' nisdo', na' yógo'te da' ka' zej nnitan' latje ka'. Nake' Bennen' žónteze' da' ḻi ḻaže'.

⁷Ẕchi'a ḻaže'e benne' nyache' ḻaže' ka', na' ẕwawe' benne' ka' ẕdóngake'. X̱anžo Dios žeslé' benne' ndo'w ka'.

⁸X̱anžo Dios žeyone' yej ḻawgak benne' ḻo choḻ ka'. X̱anžo Dios žechise' benne' ka' žejchégwgake'. X̱anžo Dios nži'ile' benne' chawe' ka'.

⁹X̱anžo Dios žape chi'e benne' zi'to' ka'. Žákḻene' bi' wzebe ka', na' no'le wzebe ka', san ẕchinnje' da' žongak benne' wen da' ẕinnj ka'.

¹⁰Ḻe'e, benne' yež Sión, ẕnna bia'kze X̱anžo Dios. Ẕnna biá'teze Dios to chi'ize. ¡Ga'n ẕen X̱anžo Dios!