4 Žežój be' zej yoe'e, na' yeyákgake' bix̱te yo. Ḻo ža na'kze nitle da' gok ḻáže'gake' góngake'.
5 Ba nez ẕen naken che bennen', žakḻen Dios che Jakob ḻe', bennen' žx̱en ḻaže'e X̱anžo Dios.
6 Dios na'kze bene' ya'abá, na' yežlyó, na' nisdo', na' yógo'te da' ka' zej nnitan' latje ka'. Nake' Bennen' žónteze' da' ḻi ḻaže'.
7 Ẕchi'a ḻaže'e benne' nyache' ḻaže' ka', na' ẕwawe' benne' ka' ẕdóngake'. X̱anžo Dios žeslé' benne' ndo'w ka'.
8 X̱anžo Dios žeyone' yej ḻawgak benne' ḻo choḻ ka'. X̱anžo Dios žechise' benne' ka' žejchégwgake'. X̱anžo Dios nži'ile' benne' chawe' ka'.
9 X̱anžo Dios žape chi'e benne' zi'to' ka'. Žákḻene' bi' wzebe ka', na' no'le wzebe ka', san ẕchinnje' da' žongak benne' wen da' ẕinnj ka'.
10 Ḻe'e, benne' yež Sión, ẕnna bia'kze X̱anžo Dios. Ẕnna biá'teze Dios to chi'ize. ¡Ga'n ẕen X̱anžo Dios!
