Yontu 146:4-10

⁴Pɑ weesiŋ tɛŋ kɛ́ nɑ pɑ́ tɑɣɑnɩ tɛtʋ kɛ pəsʋɣʋ, nɑ pɑ təmɑ wenɑ ɑ pɛɛ pɑɑ tʋwɑ tɔ ɑ́ sɑɑlɩ yem.

⁵Leleŋ nɩɩlʋ ntɛ́ wei ɩ nyənəɣɩ Yɑkɔpʋ Ɩsɔ kɛ́ ɩ wɑɑsʋlʋ nɑ ɩ́ tɛɛləɣɩ ɩ Ɩsɔ Tɑcɑɑ tɔ.

⁶Ɩsɔ nyɑ́ lɑpənɑ ɩsɔtɑɑ nɑ ɑtɛ, nɑ teŋku nɑ ɩ tɑɑ nyəm tənɑ. Yʋlʋ pəsəɣɩ nɑ ɩ́ tʋ-ŋ nɑɑni kɛ tɑm tɔɔ kɛ́.

⁷N tɑɣɑnəɣɩ mpɑ pɑ muɣuliɣi tɔ pɑ tɔmnɑɑ. N hɑɑkɩ nyɔɣɔtʋnɑɑ kɛ tɔɣɔnɑɣɑ. N hɛtəɣɩ mpɑ pɑ hɔkɑɑ tɔ.

⁸Tɑcɑɑ nyɑ́ kuliɣinɑ yʋlʋmɑɑ ɩsɛ. N siɣisiɣi mpɑ pɑ pɑmɑ tɔ. N sɔɔlɑ siɣisilɑɑ.

⁹Tɑcɑɑ nyɑ́ kentiɣinɑ cɑɣɑlɑɑ tɔɔ, nɑ ń pɑɑsəɣənɑ suluwɑɑ nɑ leelɑɑ. Amɑ n wɑkələɣɩ mpi pə pəlɛ ɑsɑɣɑɑ tʋɣɩ tɔ.

¹⁰Tɑcɑɑ tɔkɩ kɑwulɑɣɑ kɛ tɑm tɔɔ kɛ́. Hɑɩ, Siyɔŋ nyə́mɑ mɛ mə Ɩsɔ wɛ tɑm tɔɔ kɛ́. Ɩ́ sɑ Tɑcɑɑ.