SALMOS 142:5-7

⁵Huajca na nimitztzajtzili, TOTECO, huan nimitzilhui: “TOTECO, san ipan ta nimotemachía para techmocuitahuis. San ta hueli techmanahuis para amo teno nopantis.

⁶Xijtacaquili cati nimitztajtanía, pampa tahuel nechtaijyohuiltíaj masehualme. Techmanahui inimaco cati nechtepotztocatinemij, pampa inijuanti achi más quipiyaj chicahualisti que na.

⁷Techquixti ipan ni tatzacti campa niitztoc para nihuelis nimitztascamatis. Huan huajca nopa masehualme cati itztoque xitahuaque, nechyahualose huan paquise pampa tijpiyas hueyi moyolo ica na para nochipa.”