SALMOS 119:168-172

¹⁶⁸Na nijchihua cati quiijtohuaj motanahuatilhua huan motajtol, pampa ta tiquixmati nochi cati nijchihua.

¹⁶⁹TOTECO, xijtacaquili cati nimitztajtanía, techmaca talnamiquilisti senquisa quej tiquijtojtoc para tijchihuas.

¹⁷⁰Xijtacaquili cati nimitztajtanía quema nimotatajtía, huan techmanahui quej tiquijtojtoc techchihuilis.

¹⁷¹Na nimitzpaquilismacas, pampa ta technextilijtoc quenicatza nijchihuas nochi cati techyolmelajtoc ma tijchihuaca.

¹⁷²Nitepohuilis nochi cati tiquijtojtoc, pampa nochi motanahuatilhua senquisa xitahuac.