Salmo 95:8-11

⁸Kanana, “Adi yo pakenkentegen din nemnem yo ay kaman din inyat di aap-o yo sin agew ay kawada dad Meriba, sin lugar ay magay omili ed Massa.

⁹Isdi ay pinmadpadas din aam-a yo olay inil-ila da din inam-amag ko.

¹⁰Opatapolo ay tawen ay sinigsigaak daida. Isonga kanak, ‘Kankanayon ay masangsangaw das lawa. Sigaan da ay mangonod sin bilbilin ko en daida.’

¹¹Gapo sin bonget ko inkarik ay adik polos pasgepen daida sin pan-illengan ay enak insagana.”