Salmo 81:6-16

⁶“Kinaan ko din nadagsen ay binaklay yo, kinaan ko din baskit sin takkay yo.

⁷Sin timpon di ligat yo, nankararag kayo et insalakan kos dakayo. Sin kido ay nantatabonak, sinongbatak dakayo, sin kad-an di obbog ed Meriba pinadas kos dakayo.

⁸Dakayo ay ipogaw ko, dengngen yo din pamagbagak en dakayo, et sapay koma ta pomati kayo.

⁹Maga koma di odom ay diyos yo, maiparit di sinan didiyos ay pandokmogan yo,

¹⁰tan sak-en si Yahweh ay Diyos yo ay nangikaan en dakayo ed Egipto. Mantakaw kayo ngarud et pakanek dakayo.

¹¹Ay apaw kayo ay ipogaw ko, adi yo pinatpati din inbagak en dakayo.

¹²Isonga binaybay-ak dakayo ta onodan yo din wadas makenteg ay nemnem yo.

¹³Dakayo ay Israelita ay ipogaw ko, sapay koma ta pomati kayo, tan mo tongpalen yo din bilin ko,

¹⁴abakek ay dagos amin ay kalaban yo.

¹⁵Din omililiget et manyakog-ong dan sak-en si egyat da ya madosa da si eng-enggana.

¹⁶Ngem pakanek pay dakayo si kamayatan ay bakakew ya kam-isan ay diro.”