SALMO 5:8-10

⁸A, Tata Dios, alli rurak kashpayki yachachiway allita rurashpa kawsanaynipa ama chikniwak runakuna chatawanankunapa. Yanapaway allita rurashpa alli ñanta purikshina kawsanaynipa.

⁹Chay chikniwak runakuna tukuy tiempu llullata rimansapa. Tukuy shunku mana allita yuyashpalla kawsansapa. Chashna sukaman uchasapa kashpankuna kicharidu asnak sepulturashinami.

¹⁰A, Tata Dios, chay runakunata kastigaysapa tukuy mana alli yuyanankuna nimapi tukunankunapa. Uchasapa kashpankuna mana kasushunayashkankunarayku ñawpaknikimanta paykunata karkuysapa.