Salmo 49:1-10

¹Amin ay ipogaw isnan daga, dengngen yo nan enak ibaga,

²olay nangato ono nababa ka, baknang ono nabiteg ka.

³Mangidawat si sirib di bomala sin tepek ko, naoneg di panakaawat ko.

⁴Estek ay mannge si esa ay pamagbaga yan ilawlawag ko di olog na dowanak toktokaren din arpa.

⁵Adiak emegyat sin timpon di ligat ko mo lomikob din makedse ay kalaban ko.

⁶Mantalek da sin kinabaknang da ya it-it-ek da din sanikwa da.

⁷Adi kabaelan di ipogaw ay mangsobot sin awak na, adi na mabayadan en Diyos din biyag na.

⁸Tan din bayad di biyag et palalo ay nangina, magay omanay si ibayad da

⁹ta matago da si eng-enggana et sin pese yan mailisi da.

¹⁰Ammon di amin ay olay din masirib et matey da ay kaman din naong-ong ya magay nemnem na. Daida am-in yan taynan dan kinabaknang da, et tawiden di aan-ak da.