Salmo 39:8-13

⁸Sin basbasol ko, omisalakan ka koma. Adim ipalobos ay somisiyek da di ipogaw ay magay nemnem na.

⁹Igiginek ko, magay enak maibaga, tan sik-a di nangamag sina.

¹⁰Isaldeng mo koma ay domosa, tan nay enggay namaga nan pigsa.

¹¹Begew sin basol di ipogaw yan dosaem, maiarig kas bigis, tan din banolen da yan dadaelem. Amin ay ipogaw yan owat kaman dagem.

¹²Apo, dengngem koma ya patgam din kararag ko. Man-og-ogaak ay mankararag en sik-a, Apo, tan owatak mangili ay makidagos sin beey mo ay kaman din inyat di ap-apo.

¹³Isaldeng mo koma nan domosdosaam ta manragsakak si sinkaattikan ta asiak matey pag enggay kayman.”