Zəbur 39:8-13

⁸Məni bütün təqsirlərimdən qurtar, Məni axmaqların tənəsinə hədəf etmə.

⁹Susdum, ağzımı açmadım, Çünki Sən bunu etdin!

¹⁰Göndərdiyin bəlanı mənim üstümdən götür, Əlinin zərbəsindən gör necə əzildim.

¹¹İnsanı təqsirinə görə məzəmmət edən zaman Arzularını güvə kimi dağıdırsan. Bəli, insan sadəcə bir nəfəsdir. Sela

¹²Dinlə duamı, ya Rəbb, fəryadımı eşit! Biganə qalma göz yaşlarıma. Çünki Sənin yanında bir qəribəm, Ata-babam kimi bir qonağam.

¹³Bir azca nəzərini məndən çək, Qoy köçüb getməzdən əvvəl dinc yaşayım».