Salmo 36:5-12

⁵Din kinamatalek mo ya adi manbalbaliw ay layad mo, Apo, edasan da ed langit sin labes di liboo.

⁶Adi aben manbalbaliw din kinalinteg mo. Kaman dontog ay adi kaigido, tan kanayon ay kosto din ikeddeng mo. Kaman aben lanad di baybay ay malosong, tan adi polos makad-as di nemnem. Amin ay ipogaw ya animal yan ay-ayowanam, Apo.

⁷Palalo ay nabanol din adi manbalbaliw ay layad mo, isonga kamangen mi di panalaknib mo.

⁸Mapnemapnek kami sin ad-ado ay makan sin beey mo, kaman ginawang ay pan-inoman din kinasiged mo.

⁹Tan sik-a di poon di biyag mi ya silaw ay maningtinggaw sin nemnem mi.

¹⁰Din layad ya seg-ang mo, mantoltoloy koma sin makaammo ya manongtongpal en sik-a.

¹¹Adim ipalobos ay domoklos ya omipatagtag da din nangato di nemnem na ya mangam-amag si lawa.

¹²Ilaem din mangam-amag si lawa, doy naabak da et natey da.