Psalms 36:5-12

⁵O Yawe, nika kua nangara mu kalel biya nunguningkiri, se nika munan nangarak pempem la bagara mu taiti nuwi kiaram.

⁶Nika munan ningo dirkiriyam mu duruk bibiya sokel ago iwita; se nika munan diram la tutera mu du biya nunguningkiri. O Yawe, ni kariimet se mel bibiya se gotektek duap duap nunga bitarsam se ningo la bagasan.

⁷Nika kua nangara kumik menara mena mu anananga mel yawara nunguningkiri! Se kariimet nika luman bowa nagusan se ni nunga ira kaluwusam.

⁸Nika kawam ningi na ningo ningo nungarsam se no gilingisan, se yu ningo nungarsam se nasan ale amilmilasan.

⁹Mu awuk, ni marak pempem bagara ko duap; nika nikinang mu ana nikim nangarso.

¹⁰O Biya, nika kua nangara kumik menara mena mu, kariimet nika iki karo tui lagasan mu nongote pempem ani se lagarukko; nika munan ningo nunguningkiri mu, kariimet diram la karo kisisan mu nungaruko.

¹¹Nunumi patawura ko kariimet mu nungarki sager se ani nusuwik te me aga eremonko, ale nuguting te me agarak kagermonko.

¹²Arigalko! Kariimet memek bitawara mu dagulaman aniwasan; nuna dagulaman ale udagi me barasamonko!