Salmo 36:5-12

⁵Nengazen, is gaǥew nu wey kegkemetinumanen, ne kenà egkesukud; metikang pa heini te langit.

⁶Is ketazeng nu, ne melig-en; igkepetug-iring te metikang he menge vuntud. Is hustu he kedhukum nu, ne kenà egketegkad; igkepetug-iring te mezalem he zaǥat su kenà egketegkad. Ed-eturen nu, Nengazen, is menge etew wey menge langgam.

⁷Megbevayè ku, utew mahal is gaǥew nu. Ebpengelangan nu is menge etew iring te kedlekupi te tagbis te pispis din.

⁸Nengeperahan sikandan te idsegkayà he keenen diyà te valey nu; ipeinum nu sikandan te metaam he wahig nu.

⁹Su iyan ka ebpuunan te untung. Edteyawan key kenikew, ne neteyawan is menge isip dey.

¹⁰Ipedayun nu is kebmahala nu te menge etew he migkilala kenikew. Ipedayun nu is kebaal nu te meupiya ziyà te menge etew he midtinazeng.

¹¹Kenè nu ituǥut he mezaag a te menge lalung wey menge gelbuwen he kuntada ku.

¹²Egkezeetan is lalung he menge etew, ne kenè en sikandan ebpekeenew.