Salmo 2:5-12

⁵Na kafnge én, nngakan ale du too malbut; na too ale likò mdà di bong kalbutan dale.

⁶Man Dwata, “Ditù gufnègu i harì mgalékgu di deg bulul, dunan Sion.”

⁷Na man i harì mgalékan, “Tulengu i gman Dwata di deg. Én i gmanan di deg, ‘Ge i tingàgu, na di duh ani tafdatahta ge du tafgadègu agu i maam.’

⁸Man Dwata, ‘Mni ge di deg na bléta ge i kdee banwe; gfunam i kdee di tah tanà.

⁹Falmom kadang i dad dmuen ge fagu di kgal i kagotam, gambet kalmo i kulang tanà tudaam di tanà.’ ”

¹⁰Taman too gamu fgeye, gamu dad harì di tah tanà, ken falmo gamu i harì mgalék Dwata; fafulung gamu dad ulu di dad banwe.

¹¹Fgal gamu mimò i knayè Dwata i Amu, na kanlikòyu kenen.

¹²Tooyu fdanà i ktoyu di kenen du fye laan gamu kalbut, na fye laan gamu fles fnati; du ken mlal kel di gamu i kalbutan. Kabay i dad to fdadong di kenen, du kenen i guflidungla too nun kafyela.