Psalm 2:5-12

⁵Na El akesmakyalos ke mulat lal, Ac aksangengyalos ke kasrkusrak lal.

⁶El fahk, “Fin Zion, eol mutal sik, Nga oakiya tari tokosra luk.”

⁷Ac tokosra el fahk, “Nga fah fahkak ma LEUM GOD El sapkin. El fahk nu sik, ‘Kom wen nutik; Misenge nga papa lac tomom.

⁸Siyuk, ac nga ac fah asot mutunfacl nukewa nu sum; Faclu nufon ac fah ma lom.

⁹Kom ac fah kunauselosla ke osra soko; Kom ac fah foklolosi nu ke ip srisrik, oana sie ahlu orek ke fohk kle.’”

¹⁰Inge, kowos tokosra uh, porongo kas in sensenkakin inge. Kowos mwet kol lun faclu, lutlut ke mwe luti se inge.

¹¹Kulansupu LEUM GOD ke sangeng; Rarrar

¹²ac epasr nu sel. Kowos fin tia, na kasrkusrak lal ac fah sa in sikyak, Ac kowos ac fah misa. Insewowo elos nukewa su suk nien wikla yorol.