ПСАЛТЫР 2:5-12

⁵Тады Ён у гневе Сваім скажа ім, і лютасьцю Сваёй іх настрашыць;

⁶«Я памазаў Цара Майго над Сіёнам, сьвятою гарою Маёю.

⁷Я абвяшчу пастанову: Гасподзь сказаў Мне: «Ты Сын Мой; Я сёньня Цябе спарадзіў;

⁸прасі ў Мяне, і дам народы ў спадчыну Табе, і ўладаньні Твае - аж па край зямлі!

⁹Ты паб'еш іх жалезным жазлом, патаўчэш іх, як посуд ганчарны».

¹⁰Дык вось - урымсьціцеся, цары; навучэцеся, судзьдзі зямныя,

¹¹служэце Госпаду богабаязна, і радуйцеся з трымценьнем.

¹²Ушануйце Сына, каб Ён не загневаўся, і каб не загінуць вам у дарозе вашай, бо гнеў Ягоны загарыцца неўзабаве. Шчасныя ўсе, хто на Яго спадзяецца.