Salmo 28:2-8

²Naeyak ay mangitagtag-ay sin takkay ko ya manasagang sin nasantaon ay beey mo, ay mankedaw si badang mo. Dengngem koma din adawag ko.

³Adi ka itapis sak-en ay pakidosa sin mangam-amag si lawa. Kaman mayat din kali da, ngem kedse baw di wadas nemnem da.

⁴Dosaem daida begew sin basbasol da, isobalit mo en daida di katimbang din inamag da.

⁵Adi dan banolen din nakaskasdaaw ay inam-amag mo, isonga mamingpingsan ay dosaem daida, Apo.

⁶Daydayawek sik-a tan pinatgam din adawag ko ay mankedaw si badang mo.

⁷Sik-a ay Diyos di poon di pigsak, sik-a di salidak ya pantalkak. Palalo di ragsak ko tan binmadang ka, mankantaak ay mangidaydayaw en sik-a.

⁸Sik-a ay Diyos di mangipapigsa sin ipogaw mo, din pinilim ay ari, salaknibam ya isalakan mo.