SALAMO 28:2-8

²Egu noinoi herevadia a kamonai, ba kahagu totona na tai henimumu negana ai, bona imagu na emu gabu helaḡana na dudui isi heniamu negara ai.

³Kara dika taudia ida basio abigu oho, kara havara taudia ida basio negegu daure; idia ese dekedia taudia na maino herevadia e gwaurai henidiamu, a lalo-hadai dikadia na lalodia ai mimia.

⁴Edia ḡaukara heḡereḡeredia ai davadia na ba henidia, edia kara dikadia davadia do ba henidia; imadia ḡaukaradia heḡereḡeredia ai davadia na ba henidia, davadia korikori do ba henidia.

⁵Badina be Iehova ena ḡaukara asie matauraidiamu, ia imana ḡaukaradia asie matauraidiamu; ia ese baine ḡiḡidia dobi, ma basine hadaidia lou.

⁶Iehova aina hanamoa! Badina be egu noinoi vada e kamonai.

⁷Iehova na egu goada bona egu kesi, lau lalogu ese ia e abidadama heniamu; unu amo hekaha na davariamu, bona lalogu na e moalemu, egu ane ai danu ia na hanamoamu.

⁸Iehova na ena bese taudia edia goada; ia na e horoa tauna ena kohoro.