Sabóor 28:2-8

²Ngalla déglul, ma tinu la, woo la wall, dékk lay yoxo, jublu sa néegu biir bu sell ba.

³Bu ma sànkaaleek ab soxor, di ma booleek kuy def lu bon, di wax moroom ma jàmm, te dencal ko ay ca xolam.

⁴Fey leen seen liggéey, seen kemu jëf ju bon. Jox leen seen añu jëf, yool leen seen yelleef.

⁵Xooluñu Aji Sax jeeki jëfam, ak liggéey bi mu def. Da leen di yàqte, te dootu leen yékkati.

⁶Jaajëfe Aji Sax ji, ki ma nangul samay dagaan!

⁷Aji Sax jee may dooleel, di ma feg. Moom laa wóolu, mu wallu ma, sama xol tooy, ma woy, sante ko.

⁸Aji Sax jeey dooleel ñoñam. Mooy làq, di musal buur bi mu fal.