Salmo 17:1-8

¹Sik-a ay Diyos, dengngem kod nan kararag ko ay manpakpakaasi si badang mo ta iturong mo kod din kosto, tan naimposoan nan kararag ko.

²Ikeddeng mo koma ay maga di basol ko, tan ammom din kostokosto.

³Ammom di wadas nemnem ko. Mo sin labi yan pomadas ka, Apo, mailam ay magay basol ko. Magay binmasolak begew sin tepek ko,

⁴ay kaman din am-amagen di odom ay gagait ko. Din kedse da abe et baken say tinadtadon ko, mo adi tinongtongpal ko din inbagam ay bilbilin mo.

⁵Say kanayon ay inonodak din laydem, Apo, maga polos di nilabsing ko.

⁶Mankararagak en sik-a, Apo, tan patgam din kararag ko, isonga dengngem ta songbatam nan kararag ko.

⁷Ipailam kod din nakaskasdaaw ay layad mo, tan sik-a di mangisalakan babaen sin panakabalin mo sin am-in ay mangan-anap si pankamangan da mo ilayawan da din kaibaw da.

⁸Bomantay ka ay kaman din iyat mo sin kabanolan ay gameng mo. Somalaknib ka sin payak mo