Womusu 17:1-8

¹Dɑfidin kɑnɑru. Yinni Gusunɔ, ɑ nɛn weeweenu nɔɔwɔ, nɑ kĩwɑ ɑ mɑn ɡem wɛ̃. Yinni Gusunɔ, ɑ swɑɑ tem kpĩiyɔ ɑ nɔ, wunɛn somirɑ nɑ kĩ. A nɛn kɑnɑru nɔɔwɔ, nɛn ɡɔ̃run diyɑ tɑ wee.

²A mɑn sirio, ɑ yɛ̃ mɑ nɑ ɡem mɔ.

³Wɔ̃kuru, ɑ nɑ nɛn mi, ɑ wɛ̃ɛrɑ ye nɑ bwisikumɔ, ɑ wɛ̃ɛrɑ ye nɑ ɡerumɔ, ɑdɑmɑ ɑ ǹ torɑru ɡɑru wɑ.

⁴A wɑ mɑ nɛn dɑɑ yɑ ǹ tiɑ kɑ ɡɑbuɡiɑ. Nɑ wunɛn ɡɑri mɛm nɔɔwɑ. Nɑ ǹ tɔn kɔ̃sobun yirɑ swĩi.

⁵Nɑ yɔ̃rɑwɑ dim dim wunɛn swɑɑ sɔɔ. Nɑ ǹ ɡɛrɑre yen min di.

⁶Tɛ̃, wunɑ nɑ soku, Yinni Gusunɔ. A mɑn wisio. A nɛn ɡɑri nɔɔwɔ.

⁷A mɑn wunɛn durom bɑkɑm sɔ̃ɔsio, domi ɑ rɑ be bɑ nun nɑɑnɛ sɑ̃ɑ wɔre ben yibɛrɛbɑn nɔmɑn di.

⁸A nɛn lɑɑkɑri koowo nɡe mɛ tɔnu u rɑ n win nɔnin lɑɑkɑri mɔ. A mɑn beruo nɡe mɛ ɡuɑ yɑ rɑ yen binu bere yen kɑsɑ sɔɔ.