Psalm 17:1-8

¹MAING kom kotin ereki me pung o kotin mangi ai likwir o kotin kupura ai kapakap, me sota kin kowei sang nan kil en au likam eu.

²Ai pung en pwili sang re omui, o kom kotin masan dong me pung.

³Kom kotin kasaui mongiong i ni pong, o komui kotin sosong ia, ap sota me kom kotin diar. I inaukidi, me i sota pan sapung ni ai lokaia.

⁴I kin rukila pan masan en silang omui sang mon tiak en aramas o al en men kamela.

⁵Ni ai alialu wei i sota muei sang nan lip en aluwilu omui, ai kakawei sota katia sang.

⁶I likwiri ong komui, Maing Kot, kom kotin mangi ia, o kapaike dong ia karong omui, o kotin ereki ai kapakap.

⁷Kom kotin kasaleda omui kalangan kapuriamui, pwe pali maun omui sauas pan ir, me kin liki komui, ong ir me palian ir.

⁸Sinsila ia dueta por en mas eu, o kotin pera kin ia mot en lim omui,