SAAMUNƆ 96:3-13

³À à gakuikɛyã o boriinↄnɛ, à à yãbↄnsaɛnↄ tↄ̃kɛ̃ baade pínginɛ.

⁴Dii bíta, à kà wà à táaki lɛ́, à kↄ̃ sìo wà vĩa kɛnɛ dɛ tãanↄla ń píngi.

⁵Boriinↄ tãanↄ nɛ́ pↄ́ ginanↄmɛ, mↄde Dii bé à musu kɛ̀.

⁶Bítakɛ kↄ̃n bɛ̀ɛo kúa, gbãa kↄ̃n gakuio kú à kúkiiamɛ.

⁷À gakui kↄ̃n gbãaao dↄ̃ Diinɛ, bùsu píngi gbɛ̃nↄ, à dↄ̃ Diinɛ.

⁸À Dii tↄ́ gakui dↄ̃nɛ, à mↄ́ kↄ̃n gbaao à gɛ̃o à ua.

⁹À dↄnzi kɛ Diinɛ à kúadona maakɛɛn, tↄↄtɛdeenↄ, àgↄ̃ lugaa à aɛ a píngi.

¹⁰À o boriinↄnɛ, Dii e kí blee. Anduna kaɛna gíngin, à nigãna vĩro, eé yãkpaɛ kɛ kↄ̃n baade píngio a zɛ́a.

¹¹Musudeenↄ, à pↄnnaa kɛ, tↄↄtɛdeenↄ, à vĩ kↄ̃n pↄnnaao, ísia kↄ̃n pↄ́ kɛ̀ kúnnↄ, à kĩi dↄ.

¹²Sɛ̃̀tɛ kↄ̃n pↄ́ kɛ̀ kúnnↄ, à pↄnna wii lɛ́, lí kɛ̀ kú dàko guunↄ, à guda kɛ a píngi.

¹³Aↄ̃é pↄnnaa kɛ Dii aɛ, zaakɛ èe mↄↄ, èe mↄↄ yãkpaɛ kɛ kↄ̃n andunao. Eé yãkpaɛ kɛ kↄ̃n andunao a zɛ́a, à yã gↄ̃gↄ̃ gbɛ̃nↄnɛ kↄ̃n yãpuraao.