SAAMUNƆ 68:14-32

¹⁴Kɛ̀ Gbãapingide kínanↄ fã̀akↄ̃a, aↄ̃ kwɛ̀ Zalamↄ kpiiia lán lougbɛ bà.

¹⁵Basã kpiii gakui vĩ, Basã kpii mìsↄ̃ntɛ̃nↄↄ pari.

¹⁶Amↄa kpii mìsↄ̃ntɛ̃nↄ, bↄ́yãnzin ée kpiii kɛ̀ Ludaa sɛ̀ a kíblekii ũu gwaa nↄ̀sɛgↄ̃aanↄozi? Gwen Dii égↄ̃ kún gurↄ píngi.

¹⁷Luda sↄ̃goronↄↄ lɛ́ vĩro, à kà bↄrↄ lɛo ũgbangba. Dii bↄ̀o zaa Sinai, à mↄ̀ à pìta a guu kɛ̀ kú adonan.

¹⁸N fɛɛ n ta musu dↄna zĩ̀zↄnↄnɛ aɛ, n gbaa sì gbɛ̃nↄa ai kↄ̃n swãgbãadeenↄ, ben n vɛ̃ɛ gwe, Dii Luda.

¹⁹Aubarikadeen Dii Luda wa mìsiri ũ, àmbe ègↄ̃ wa asoonↄ sɛna lán guu e dↄↄ nà.

²⁰Wa Luda nɛ́ Luda kɛ̀ è ń mì símɛ, Dii Luda bé è wa bↄ gaa lɛ́zĩ.

²¹Luda é a ibɛɛnↄ mì wíwińnɛ, gbɛ̃ntee mìkpɛ̃ɛ kãdee kɛ̀ aↄ̃ↄ tɛ́ ń durun-onↄ.

²²Dii bè: Mɛ́ ń bↄɛ Basã bùsun, mɛ́ ń bↄɛ ísia lↄ̀n,

²³lɛ à a gbá ya a ibɛɛnↄ arun, a gbɛ̃ɛnↄ é nɛ́nɛ máɛn wà ń baka ble.

²⁴Luda, wa n gbɛ̃nↄ è aↄ̃ↄ tɛ́tɛkↄ̃zi, ma Luda ma Kína, aↄ̃ↄe mↄↄ n kúkiia.

²⁵Lɛ̀sirinↄↄ tɛ́ aɛ, batanↄↄ tɛ́ ń kpɛɛ, nↄkparɛ sɛ̃gɛ̃sɛ̃gɛ̃parinↄↄ tɛ́ ń gura.

²⁶À Luda tↄ́ bↄ pari kakↄ̃ana guu, à Dii sáabu kpá amↄa Isaraili boriinↄ.

²⁷Nɛ́ zãade Bɛyãmi boriinↄ bé aↄ̃ↄ tɛna aɛ gwe, beee gbɛra Yuda kínɛnↄ kↄ̃n ń gbɛ̃nↄ kↄ̃n Zɛbuluni bori kínɛnↄ kↄ̃n Nafatali bori kínɛnↄo.

²⁸Luda, ǹ n gbãaa ↄdↄawe, Luda, ǹ bↄ kↄ̃n n gbãaa kɛ̀ ń ↄ̀dↄawe yãao.

²⁹Kínanↄ é mↄ́nnɛ kↄ̃n ń gbaanↄ n kpɛ́ kɛ̀ kú Yerusalɛmu yãnzi.

³⁰Ǹ kpãkɛ̃ Igipiti ítɛnↄbↄzi, ǹ pata boriinↄ zùswareenↄa kↄ̃n ń gbɛ̃nↄo. Ǹ kondogi gò tↄ̃ḿma, ǹ gbɛ̃ kɛ̀ zĩ̀kana è kɛńnɛ nnaanↄ fãakↄ̃a.

³¹Igipitinↄ é zĩ̀rinↄ gbarɛmma, Etiopianↄ é ↄ dↄnzi, Luda.

³²Anduna kpatablerinↄ, à lɛ̀ sí Ludanɛ, à Dii táaki lɛ́,