SAAMUNƆ 37:20-35

²⁰Gbɛ̃ zaaanↄ sↄ̃ é kaatɛ, Dii ibɛɛnↄ é yãa lán sɛ̃̀la bↄ̀rↄ nà, aↄ̃é gɛ̃tɛ lán tɛ́sukpɛ bà.

²¹Gbɛ̃ zaaa è pↄ́ sɛ̃kãḿma à à fĩa boro, gbɛ̃ maaa sↄ̃ è gba da maamaa.

²²Gbɛ̃ kɛ̀ Dii aubarika dàńgunↄ bé wégↄ̃ bùsu vĩ, gbɛ̃ kɛ̀ à lɛ́ kɛ̀ńnɛnↄ sↄ̃ é kaatɛ.

²³Dii è gbɛ̃ da zɛ́ kɛ̀ dɛ à sɛ́a, à pↄↄ ègↄ̃ nna à kuunaa.

²⁴Baa tó à gɛ̃̀n sì, eé lɛ́ɛro, kɛ̀ Dii à kũna yãnzi.

²⁵Zaa ma gↄ̃kparɛkɛgurↄ ai ma gaa ma zi kũ̀o la, mɛ́ɛ e Luda gbɛ̃ maaa zĩ̀nna zikiro, mɛ́ɛ e à nɛ́nↄↄ e baa kɛɛro.

²⁶Ègↄ̃ gba daa gurↄ píngi ègↄ̃ pↄ́ sɛ̃kãańnɛmɛ, à nɛ́nↄ égↄ̃ aubarika vĩ.

²⁷Ǹ kpɛɛ li yã zaaanɛ ǹgↄ̃ à maaa kɛɛ, nɛ́gↄ̃ kú bùsu kɛ̀n gurↄ píngi.

²⁸Zaakɛ Dii ye yãzɛdeezi, eé a náanɛkɛrinↄ zĩnnaro. Aↄ̃égↄ̃ kuu aafia gurↄ píngi, gbɛ̃ zaaanↄ sↄ̃ é kaatɛ.

²⁹Gbɛ̃ maaanↄ bé wégↄ̃ bùsu vĩ, aↄ̃égↄ̃ kún gurↄ píngi.

³⁰Ɔ̃ndↄ̃yã è bↄ gbɛ̃ maa lɛ́n, à lɛ́ è yãzɛdee o.

³¹À Luda doka kú à swɛ̃̀n, à gbá è sata pↄ́kearo.

³²Gbɛ̃ zaaa è gbɛ̃ maaa kpákpa lɛ à e à à dɛ,

³³mↄde Dii é à tó à ↄzĩro, eé we yãkpaɛ à nɛro.

³⁴Ǹ sↄ̃kpa Diizi ǹgↄ̃ à yã kũna, eé n kaara lɛ ǹgↄ̃ bùsu vĩ, nɛ́ gbɛ̃ zaaanↄ kaatɛna e.

³⁵Ma gbɛ̃ zaa gbãade ke è yã, à gbã̀ à ↄ tà lán lí kɛ̀ tↄↄtɛ kɛ̀nɛ nnaa bà.