SAAMUNƆ 31:6-20

⁶Ma za gbɛ̃ kɛ̀ aↄ̃è na tãanↄan, Diin má náanɛ kɛ̀.

⁷Mɛ́ yáa dↄ mà pↄnnaa kɛ kↄ̃n n yenzio, zaakɛ n ma yã'ↄ̃amma è, n ma nawɛ̃akɛna dↄ̃̀mɛ.

⁸Nɛ́ɛ ma na ma ibɛɛnↄnɛ ń ↄzĩro, n ma gba mɛ̀porokii.

⁹Ǹ ma wɛ̃nda gwa Dii, zaakɛ má kagurakɛnamɛ, pↄsiaa tò ma wɛ́ɛ gↄ̃̀ súkusuku, ma pↄↄ sia kũ̀ ma nↄ̀sɛ yàka.

¹⁰Pↄsiaa e ma wɛ̃̀ndi lagoo, m̀bna e ma wɛ̃̀ yãaa, laasuu tò má gbãaa vĩ dↄro, ma wánↄ bùsa.

¹¹Ma gbɛ̃daaanↄ è kya kámagu ma ibɛɛnↄ yãnzi, ma yã è ma gbɛ̃nↄ vĩa kũ maamaa, gbɛ̃ kɛ̀ weè dakↄ̃rɛ gãalɛnↄ è pãmɛ.

¹²Ma yã e dↄ gbɛ̃ken dↄro, ma gↄ̃ lán gɛ̀ bà, ma gↄ̃ńnɛ lán oo kãndo bà.

¹³Mɛɛ̀ ma kɛ̀ gbɛ̃nↄↄ e ma pee pari, vĩapↄnↄↄ ligamazi. Aↄ̃è kakↄ̃a wà lɛ́ kpákↄ̃sↄ̃mazi, aↄ̃è lɛdolɛ kɛ ma wɛ̃̀ndibↄna yãnzi.

¹⁴Mↄde ḿbe ma n náanɛ kɛ̀ Dii, mɛɛ̀ be ma Ludan n ũ.

¹⁵Ma wɛ̃̀ndi ègↄ̃ kú n ↄzĩ gurↄ píngimɛ, ǹ ma sí ma ibɛɛ kɛ̀ aↄ̃ↄe ma wɛtɛɛ wà ma dɛɛnↄ ↄzĩ.

¹⁶Ǹ uu were mamↄma n zↄ̀bleria, ǹ ma mì sí n yenzi guu.

¹⁷Dii, ǹton tó wí ma kũro, zaakɛ ma wii pɛ̀nzi. Ǹ tó wí zaakɛrinↄ kũ, ǹ tó aↄ̃ lɛ́ gↄ̃ nakↄ̃ana gɛ̀wãan,

¹⁸ǹ tó ɛgɛtori pìnↄ nɛ́nɛ naɛ. Aↄ̃è dↄkɛ kↄ̃n gbɛ̃ maaanↄ, aↄ̃è kya káńgu kↄ̃n ĩadãnao.

¹⁹Auziki kɛ̀ ń kàkↄ̃a n vĩakɛrinↄnɛ bíta, nɛɛ̀ aubarika da gbɛ̃ kɛ̀ aↄ̃ↄ nanziinↄn gbɛ̃ píngi wáa.

²⁰Tó gbɛ̃nↄ lɛ́ kpàkↄ̃sↄ̃ńzi, nɛɛ̀ ń utɛ n kuu, tó wèe lɛokpakↄ̃a kɛɛńyo, nɛɛ̀ ń dãkpa n kukiia.