Romu 3:6-13

⁶Onan, me meib onan di. Me meib ipewa, aninin God me at piyu mame pui yupe?

⁷Ne ugauga neuma gumbe God natawa ega egave taibe ape, sira God eyawa taibe apewa, divi oya God pui yunekpe ne kukaeba oya?

⁸“Kukaeba ata me gumbe oraiwa toewan muntan,” meib watawa bainda go?—Iyayapan ano mame gumbe pui yununeme. Iyayapan upeba veme me gae numa mina.—Mame mina garawa anoeme igiyawa, me oya mu pui autanit di.

⁹Meve me divi? Nu oraimina iyayapan upeba mina onan? Nu watavit wag pui yumuntu, “Ju igiyawa ge Griisu igiyawa, iyayapan undag mu kukaeba gumbe wakeeme.”

¹⁰Kuiyawa mamaib tene. “Bira da God namive oraiwa onan. Da desirom onan.

¹¹Bira da den yaug anobodne. Bira da God oya den didimama aivi.

¹²Undag daieve amiya sira ebu muma waropiyaya, sira undag kukaeba gumbe toboraya. Bira da den oraiwa aivi. Da desirom onan.”

¹³“Mu meyowa mempotat yampot watabne. Mu pednowa gumbe ugauga veme.” “Mu nou kwapiwa ankwatave mokare yoiba kukaeba wakene.”