Text copied!
CopyCompare
Manö Kamɨŋ - Rom - Rom 3

Rom 3:6-13

Help us?
Click on verse(s) to share them!
6Wasö yabɨƚ! God nɨbi bɨ magöŋhalö manö kub hagnab u, böŋ lap aka böŋ lap aragnab; kabö göl adö u nöp hagnab.
7Pen kale rɨmnap hagnabim, “Hon pör pör piral adö rɨmnap gɨnabun u, nɨbi bɨ rɨmnap nɨŋöm, God pör pör nɨŋö nöp hagöp u waiö nɨŋöm, Bɨ mailö halö yabɨƚ mɨdöp, a göm, hib nɨpe haglö adö arnab. Anɨb u, nɨhön gɨnɨg God hanɨp nɨbi bɨ nan si nan naij gep, a göm, manö kub hagöm, ilön kub ñɨnab?” ö gɨnabim.
8Manö piral anɨbu rö hagmim hagnabim, “Nan si nan naij u nöp gɨno gɨno, God hanɨp mög yabɨƚ nɨŋöm, nan si nan naij ke ke iru yabɨƚ gɨnabun anɨbu nɨŋöm arö gɨnab u, nɨbi bɨ gau nɨŋöm, nɨpe bɨ aij unbö ke a göm hib nɨpe haglö adö arnab,” a gɨnabim. Pen nɨbi bɨ rɨmnap yɨp ke hag juöl gɨ, Pol manö anɨbu rö hagöp, a gɨpal. Manö anɨbu rö yad hagagɨn! Piral hagpal rö, God nɨŋö, kalɨp manö kub hagöm, pen ilön kub ñɨnab.
9Anɨb u, nɨhön hagun? God nɨŋö, hon Juda nɨbi bɨ gau mɨd aij gɨpun; Juda nɨbi bɨ wasö gau mɨd aij gagpal, a gun aka? Wasö! Mɨdö nöp me hagpin rö, hon nɨbi bɨ magöŋhalö, Juda nɨbi bɨ gau abe, Juda nɨbi bɨ wasö gau abe, nan si nan naij nagɨ adö anɨbu hanɨp kƚö gɨ ɫɨp gɨ ud arnɨg gab.
10Manö anɨbu rö, God Manö u kalɨ kƚiñ rɨköm hagla, “Nɨbi bɨ pör gɨ aij gɨnaböl rö rɨmnap mɨdagpal.
11Nɨbi bɨ, nagɨ adö anɨbu aij, nagɨ adö anɨbu naij, a göm nɨŋbal gau rɨmnap mɨdagpal. Nɨbi bɨ, ‘God lau adö arun, nɨp aip mɨdaiun,’ a gɨ nɨŋbal gau rɨmnap mɨdagpal.
12Nɨbi bɨ gau magöŋhalö God nɨp arö göm, nɨbi bɨ naij rö mɨdöm, nan si nan naij nöp gɨpal. Kale magöŋhalö unbö rö nöp gɨpal.
13Aɫab kale u ado malo göm, pör piral yabɨƚ nöp hagpal. Rugu mɨgan kale u, wip umö paƚu gɨ aij gaglö, haƚɨŋ naij auöp u rö mɨdöp. Nɨbi bɨ rɨmnap kalɨp nɨŋlö mulu lugö, hag juöm, manö naij hagpal u, re naij hauaɫ rö mɨdpal.

Read Rom 3Rom 3
Compare Rom 3:6-13Rom 3:6-13