Romanos 3:6-13

⁶Ɨchõɨño tuchɨ chõ ũquɨ̃ nde. Dios ɨcuã aroneãte. Dios ɨcuã mose, eɨ̃ nda Dios mbia ɨcuã mbasi aroneãte rei.

⁷Jemo ngue ñee ño nda. —¡Nandecheẽ ñooño ño nguia jẽ! Nandecheẽ ñooño mose, mbia ra ñee turã Dios rɨɨ̃. “Ñee ñooñosa reã tuchɨ quia Dios riqui re,” ɨ ra mbia Dios rɨɨ̃ cote. Nyebe Dios riqui nguiã nandembasi ãte nandecheẽ ñooño mose, ɨ chõchɨ̃ jemo.

⁸—Mbae ɨcuã nandesaã saã ño. Ɨ̃ nda Dios turã nyecua mbia je, ɨ chõchɨ̃ jemo. Urecheẽ ãte ure ũquɨ̃ ndesẽ. Ae ñee nguia ũquɨ̃, ũquɨ̃ nda Dios mbasi.

⁹Judíos chõ nande re. ¿Nandeturã nda eriqui reɨ̃ mbia mo sɨ re? Tei. Nandeturã eã ño esɨ re. Nandeɨcuã ja chõ ñene. Judíos eã ɨcuã ja chõ ñene. Judíos ɨcuã ja chõ eno nde.

¹⁰Ɨ ñɨ embesa ji re: Emo eturã eãte. Aque mɨɨ mo eã.

¹¹“Dios ɨcha taɨcua”, ɨãte emo. “Dios rese taɨco”, ɨãte emo.

¹²Mbia que ɨcha ɨcha jate Dios sɨ ra. Eɨcuã jate que eriqui ra. Emo mbae turã mo saã eãte. Aque mɨɨ mo eã.

¹³Ũquɨ̃ quiarei mbia raaque tã tãsa rã. Aba mbia eã. Sã eriqui ñee ɨcuã mbeɨ. Mbia mbɨɨrɨ̃ ɨrɨ̃ tuchɨ ñee ñooño uchuru je. Mbeɨ rasi rã ño echeẽ nde. Aba mbasi.