Romalani 3:6-13

⁶A-ai! worderu Goda ngurunguru nganananto mitalani kalala jinkila?

⁷Ngangau Godaia, morlaluta ngakani jedinali manainiri pantjinani nunkani pirnalaia; minandru ngato ngadani kana madlentjali jeribaka kalala maninanto?

⁸Ngaiani wata jeruja ngankananto, worderu tanali ngaianina ngirkibai, ja worderu palpa jatai, ngaiani kaukaubai: “Ngaiani madlentji ngankananto, ngangau ngumula dunkananto”? Tanani kalala talku nganai.

⁹Mina karari? Ngaiani ngumula morla ngamalkai? Pani. Ngangau ngaiani ngopera wondrana warai, Juda kana ja Grieka kana pratjana madlentjani ngamai.

¹⁰Worderu dakanala parai: “Wata kulno talku nganai, a-ai, wata kulno.

¹¹Wata kulno kiri nganai, wata kumujeli Goda wontila wapaia.

¹²Pratjana delkina warai, pratjana madlentji pantjina warai. Wata kulno nganai, nulu ngumu ngankai, a-ai, wata kulno.”

¹³“Tanani jerkala narikutu nganai, tanali talieli jedibai.” “Wiparaia naria kaldri tanangu manamimini parai.”