Oroomusa 3:6-13

⁶Ɓùeé dɛ́! Bṹn lé ɓa nùpua leékaró. Lé bìo ká le Dónbeenì yí térénna, á le è cítí ho dĩ́míɲá nùpua kaka?

⁷Ká ĩnɛ́n lá fã̀ le sabéré á le Dónbeenì tũ̀iá poni bìo wíokaa zũna á dóráa ho cùkú le yi, á lé mu yɛ́n ɓɛ̀n wã́a nɔn á ĩ ɲúhṹ á à síráa le ĩ lé o bè-kora wéro?

⁸Ɓa ɓúi na wee là wɛn á yàá wee bío le wa wee bío bìo kà: Mi wé wa wé mu bè-kora à mu bè-tentewà lé yi. Bán nùpua so ɲúná á à sí.

⁹Àwa, á warɛ́n *zúifùwa màhã́ ɓɛ̀n wee leéka le wa bìo ɲúhṹ so wi po bìa ká lée? Ɓùeé dɛ́! Ĩ zéenía mu le ɓa *zúifùwa làa bìa yínɔń ɓa *zúifùwa ɓúenɓúen á mu bè-kohó pànká wi wán,

¹⁰làa bìo mu túararáa le Dónbeenì bíonì vũahṹ yi: «Ɓa nùpua ɓúenɓúen yi á nì-kéní kà yí térénna,

¹¹hácírí ɓànso nì-kéní kà á mía, hàrí nì-kéní kà yí máa cà le Dónbeenì.

¹²Ɓa ɓúenɓúen día ho wã-tente, ɓa páanía wó ɓa nùpua na bìo ɲúhṹ mía. Bè-tente wéro nì-kéní kà á mía ɓa tĩ́ahṹ.

¹³Ɓa ɲiní ka lòn búráa na hɛ́nkaa. Ɓa wee khà ɓa nùpua. Ɓa bíoní ka lòn díhioni súró.