Rom 3:6-13

⁶God inap koewa uon. Koevet tapo anenen amba piup nagire koewa nuga men wanene tanepo?

⁷Waenapan aopan anega dianegepiwa, “Ne ebo waingina gapan God kakaewa mega yawaton menan God yaua ao warivin. Ne koerage ya tapo kakaewa mega ya yawapo. Ap menan God iwa dimen ne apan koerage dianegiwan?”

⁸Mu aopan anega wane menan ne aigap aopan sia manega wain, “Ane koewa tapen ap gapan kakaewa tautanait.” Nop ameme ebo megenat go waenapan upi ne nop ap wana men wa koeragam nimanegen. God evi amba mu diguguramopi ame kakae.

⁹Anenen? God yamap nu Diu nagirewa kakae amba Diu uoni nagirewa koerage, ap anega waivin go? Ae, ne ap anega ya waivin. Ne namu wadiaena sia waivin Diu amba Diu uoni nagirewa iragi koewa aroewa gauarap waninivin.

¹⁰God nop mega ok anega seane, Waenapan daiton kakaewa da uon, iravi koerage.

¹¹Apan da daiton God menan ya anu aviwan. amba apan da daiton God yoa ya taiwan.

¹²Waenapan iravi God tandayasen ae ve amon, negin koewa gapan amuiwanum. Apan da daiton kakaewa da ya taiwan, daiton mini da uon di.

¹³Nop muga ebo aopan gapan aninke den, ame waenapan puakewa muga aninke mini, nomup tauen aewan. Merimua gan upi aopan wa ewam wanum. Mokare seram iapa mega mini nomup tauen aewan.