Psalms 9:4-12

⁴Mu awuk, ni aninga munan ningo wore ko aga atumu sangem; ni ka daiga kuwim mu te daigem ale tutera ningo bitawasam.

⁵Ni sor saki ining nungarem ale kari memek alo nunga maguwurem; ni nunga nunup siwu saperem se menara biya menaram.

⁶Kager kari alo mu memek ko memek, kumik menara mena owore nunga maguwuram. Ni nunga wonong lilim la menawu saperem; se kariimet sor umu ko nungamili sapa namarukko.

⁷Yawe mu nu Kaem pempem baga lagoso; nu kiwem ningo ko kua tui lagoso.

⁸Ale nu kariimet suen la munan ningo diram te nunga tuterukko; nu tutera ningo te kariimet nunga bituokko.

⁹Yawe mu kariimet nunga bita maguwusan wore nunga yumura kuwim, ikup tom te nu nunga manga gek am.

¹⁰O Yawe, awiriya nika nip ko ikiso, mu nu ko loagara mu nikate la beteso, mu awuk, awiriya nikate la loaga lagoso mu ni biring gurugu me tui arigem.

¹¹Yawe Zion bagoso; wur iluwal ale nup patawuralko! Noko kiwem bibiya beteram mu sor saki nunga ningi balu paogalko.

¹²Nu kariimet ikup yaman giwasan mu nunga me buring gurugam, mena; nu nunga niara ikiam ale kariimet nunga bita maguwusan mu koma memek nungarukko.