Psalms 99:6-9

⁶Moses se Aaron mu noko priest nunga ningi karogo bagakasan, se Samuel mu nunga bo tala, nuna Yawe arukasan se nuguring ilukaso.

⁷Nu taiti nuwi ningi baga se nongorak munakakaso; se nuna noko munan den nungaram mu karo tuikasan.

⁸O Yawe, anananga Kaem, ni ka kariimet nuguring ilukasam; ni Israel ko memek siwura ko Kaem; tom nuna memek bitakasan mu ni bu nungarukasam, bare aking nunga gikasam ale nunga memek siwu nungarukasam.

⁹Buta se ana Yawe, anananga Kaem, ko nup kalel biya patawunak ale noko duruk laili mu te nabugura kulukurnak ale perr tunakko, mu awuk, Yawe, anananga Kaem, mu laili nunguningkiri.