Psalms 96:5-13

⁵Ali sor saki nunga kaem mu kaem kawel, bare Yawe mu taiti mel suen la nungam.

⁶Nu king biya nup ago se sokel ko duap; noko kuwim laili mu ningi nu nikim sokel ago bagoso.

⁷Ali sor suen la ko kariimet, Yawe nikim sokel karogo se ko nup patawuralko.

⁸Nu King nup biya se nikim ko duap; se munan mel gial ago tairal ale ko temple laili mu ningi kaparalko.

⁹Noko munan laili se diram nunguningkiri mu ko iki se nup patawuralko; ali lilim la nu suwik duap ningi la kapa saparal ale nup patawuralko.

¹⁰Sor suen la nunga ningi balal, “Yawe nu king!” malko. Nu ali sokel ago nungam se gek am aniso, ale me namaruk tairukko; nu kariimet diram la nunga tuterukko.

¹¹Taiti se mel suen la kualala mu amilmilaralko, se ali lilim la mu betela ko; se gagi kelage ale nirung bitar se, mel duap duap ningi mu suen la koma suanta betemonko.

¹²Se ningam se na inang suen la ningi mu amilmilaralko; se tam bibiya giarum ningi mu suen la amilmil betemonko.

¹³Se melmasak imi suen la Yawe amilmil tumonko. Nu taiso! Nu taiso mu ali lilim tuterukko. Nu munan diram la te ali lilim tuterukko, ale noko munan nunguning se diram mu te ko kariimet nunga giokko.