Psalms 94:7-10

⁷Ale balsan, “Yawe me arigiso; Jacob ko Kaem mel ana bitawasan mu tawun biya me ko ikia taso,” masan.

⁸Nina kariimet sikina alo, awuk se suwutata nguala sipa lagasan? Nina amaru te ikia ningo tal ale sinararalko?

⁹Kaem nu ana nadogowa nungam mu nu kota due mena agi? Nu tala namotam nungam mu nu kota motam mena agila?

¹⁰Kaem ali lilim munan tuiwoso mu, memek koma bu me ningaruk agi? Nu ali lilim ko kausa kari se, awuk, nu kota pa ikia ko tukunangaram agi? Mena.