Psalms 86:4-12

⁴Nika gemang lila ka ura kari ani aisuko, mu awuk, ani ni keta kete angamang motam bita lagasam.

⁵O Kari Biya, ni ningo, se ni memek siwu sapara ko Kaem, se awiriya nika arusan mu ni nunga kua lagasam.

⁶Bore te se, O Yawe, degewa gurugu ale aninga guranek imi ikiko; ni aninga niara iki ale aga sangaruko.

⁷Aninga ikup ko tom ningi ani ka aurik, mu ani ko ikisam, ni aninga agiring ilupko.

⁸O Kari Biya, kaem kasik la nunga ningi mu bo ta nika iwita mena; nika kiwem mu kiwem suen la nunga kia saparam.

⁹Sor kasik la ni nunga nungem mu taimon ale ni kema te nip patawumonko; nuna nika nip nikim garagar mu patawumonko.

¹⁰Mu awuk, ni keta ni biya se ni kiwem yawara duap duap nunguningkiri betesam; ni keta suanta ni Kaem.

¹¹O Yawe, nika kiwem aga kasuru se ani nika kiwem diram la karo tui se lagarikko; angamang motam suanta awur se ani ni keta suanta ka bowa ningi baga se lagarikko.

¹²O Kari Biya, ni aninga Kaem, ani angamang motam lilim la te ka nip biya patawurikko; ani nika nip biya pempem la balu se lagarikko.