Psalms 77:5-11

⁵Ani yia se tom nama lagaram mu ko ikia to lagakasam.

⁶Ale aga wur tirom ilukasam mu ko angamin ares makaso. Tom ikia bitakasam mu agata aimi iwita isarukasam:

⁷“Kari Biya pa, buring gurugu aisam ta agi? Agi ago ko yam ikiwoso agi?

⁸Agi ko gomang ani kua aisuwaram mu menaram agi? Se agarak ikia kaolam mu dagulu namaram agi?

⁹Kaem pa, noko gomang lila mu ko kuamili saparam agi? Agi noko gomang memek mu noko gomang lila kuwim tam agi?”

¹⁰Bare angamin namara taira ningi iwita ikiem, “Kaem Kalel Biya yia suen biya ningi nanga sangaru lagaram, se ani mel umu te ira sanamasam.”

¹¹O Yawe, ani ni girakala mel bibiya beterem mu ko angamin ares maso; ani nika kiwem bibiya ni girakala bita lagerem mu aga ikia te taiso.