Psalms 75:7-10

⁷Kaem kota kariimet nunga tuteso, ale memek bitawara mu ilak kapawa se, ningo bitawara mu nunga patawuso.

⁸Yawe bagun bo kuting te iluwoso, bagun mu ningi mu waen aora ngisuk karogo wore ningi aniso; nu yu mu waruk se kaparuk se ali sor lilim la ko kariimet memek bitawara mu no laga, no sapamon se nuamur bo me pelerukko.

⁹Bare ani mu agiring me ta kalikko; ani Jacob ko Kaem ko balu, wur ilu se, nup butata patawu se lagarikko.

¹⁰Mu awuk, nu iwita balso, “Ani kariimet memek bitawara mu nosokel menawurikko; bare kariimet kiwem ningo bitawara mu ani sokel eng bo karogo nungarikko.”